රටක් කැළඹූ නර්තන විලාසය!

පසුගියදා අසංක විසින් ඉදිරිපත් කල නර්තන අංගය හේතුවෙන් මුළු රටම මහත් කැළඹීමකට පත් වී ඇති බව AUDiOnline වෙත වාර්තා වෙනවා. මෙතෙක් කලක් දියුණුවෙන් දියුණුවට පත් වුනු ශ්‍රී ලාංකීය නර්තන ක්ෂේත්‍රයට වැදුන මරු පහරක් ලෙස නර්තන ක්ෂේත්‍රයේ විචාරකයන් මේ සිදුවීම පෙන්වා දෙනවා.

(මීට පෙර මෙම සිදුවීම නොදුටු අය ඇත්නම් මෙම ලින්කුව මගින් දැක බලා ගත හැක.)

මෙම අභාග්‍ය සම්පන්න සිදුවීමට විරෝධය  දැක්වීම සඳහා පසුගිය දිනක නිදහස් චතුරශ්‍රය ඉදිරිපිටදී විසි පහක් පමණ වූ අධික ජනකායකගේ සහභාගීත්වයෙන් දැවැන්ත උද්ඝෝෂණ ව්‍යාපාරයක්ද පැවැත්වුණා. විරෝධතා කරුවන් අදහස්  දක්වමින් මෙවැනි සිදුවීම් වහාම නතර කල යුතු බව ප්‍රකාශ කල සිටි අතර නැටුම් සංගායනාවක් කිරීමට කාලය එළඹ ඇති බව පෙන්වා දෙනවා.

රට පුරා අස්සක් මුල්ලක් නෑර මෙම නර්තනය පිලිබඳ කතා බහට ලක්වෙන බවත් අප වෙත වාර්තා වී තිබෙනවා.

මේ විවිධ පුද්ගලයන් විසින් මේ පිලිබඳ දැක්වූ අදහස් කීපයක්.

==========================================================
හපොයි...
ඔච්චරයි අඩු වෙලා තිබ්බේ.
==========================================================
පෙම්වතෙකු හා පෙම්වතියක් අතර ඇතිවූ සංවාදයක්:

පෙම්වතිය: ඒ මෙයා, අසංකට හොඳට dance කරන්න පුළුවන් නේද?

                 මාර ලස්සනයි.
                 dance star dance වගේ ගියා නම් හොඳ තැනකට  එන්න පුළුවන් වෙයි.

පෙම්වතා: ඔයාගෙ මොලේ හොඳ නැද්ද?

                dance star dance යන්න එයා ස්ටාර් කෙනෙක්ද?

                ශික් විතරක් අර කැපිච්ච පණුවෙක් වගේ දඟලපු හැටි.

                කැතේ බෑ.

=======================================================
මෙවැනි අසික්කිත සිදුවීම් නැවත සිදු වීම නැවත්වීම සඳහා මොහුව අත පය සෙලවීමට නොහැකි වන සේ ගස් බැඳ තැබිය යුතු යයි මම යෝජනා කරනවා.
=======================================================
මේ සිදුවීම වසර දෙදහස් පන්සියයක් පුරාවට පැවතී ගෙන එන අපේ සාඩම්බර නැටුම් කලාව විනාශ කිරීමට සිදු කරන ලද විදෙස් කුමන්ත්‍රණයක්. මොහු බටහිර නූතන අධිරාජ්‍යවාදයේ අතකොළුවක්! අපි මේ සිදුවීම තරයේ ප්‍රතික්ෂේප කරනවා. ඒ වගේම කියන්න කැමතියි මොහු ඉදිරියටත් නර්තනයේ යෙදුනොත් මොහුගේ ගමන නැවත්වීමට මාරාන්තික උපවාසයක් දක්වා යාමට පවා අපි සූදානම් බව.
======================================================
මෙයා ඉස්සරහට සින්දු කියන එක නවත්තල දිගටම ඩාන්ස් කරා නම් හොඳයි වගේ.
අපිට කනක් ඇහිලා ඉන්න පුළුවන් එතකොට.
=======================================================

අසංකගේ singing හොඳයි,

dancing .... හොඳා..........යි....

=======================================================
බුද්ධ කාලීන සමාජයේ ජන මූල සංස්කෘතියේ ගැබ්ව පැවති ජන නැටුම් කලාව නැවතත් කරලියට රැගෙන ඒමක් ලෙසයි මා මේ නර්තනය දකින්නේ.
=======================================================
ඇත්තටම ඔයා කොහෙද මෙච්චර කල් හැංගිලා හිටියේ ඉංජිනේරු පුතේ...

කොහේ හරි කමක් නෑ දිගටම එහෙම හැංගිලා හිටිය නම් පින් සිද්ද වෙනවා.....

======================================================

සින්දු කියන්න නම් ඕන ගොනෙකුට පුළුවන්. ඒ වගේද නැටුම්

නියමයි පුතා..!!!